• انتشار: 24 آگوست 2020
  • ساعت: 13:08
  • سرویس: سیاست
  • کدخبر: 47640
پرینت
در تماس تلفنی غنی با همتای تاجیکستانی اش مطرح شد

همکاری های مرزی افغانستان و تاجیکستان افزایش می یابد

اشرف‌غنی در صحبت با امام علی رحمان گفت سرحد افغانستان و تاجیکستان به نقطۀ دوستی و پیشرفت مبدل می‌گردد و نمونۀ دوستی و همکاری خوب میان دو کشور همسایه خواهد بود.

رؤسای جمهور افغانستان و تاجیکستان در تماس تلفنی، دربارۀ تجارت، ترانزیت، تقویت همکاری‌های منطقه ای و افزایش همکاری‌ها در امتداد سواحل دریای آمو صحبت کردند.

اشرف‌غنی در صحبت با امام علی رحمان گفت سرحد افغانستان و تاجیکستان به نقطۀ دوستی و پیشرفت مبدل می‌گردد و نمونۀ دوستی و همکاری خوب میان دو کشور همسایه خواهد بود.

امام علی رحمان رئیس جمهور تاجیکستان از پروسۀ صلح به رهبری و مالکیت حکومت افغانستان حمایت قوی کرد و وعده داد تاجیکستان در نشست‌های منطقه ای و بین المللی در کنار افغانستان خواهد بود و از موقف حکومت افغانستان حمایت می‌نماید.

امام علی رحمان از اشرف غنی به خاطر گسترش روابط دوجانبه و چندین جانبه و توسعه همکاری ها، دعوت کرد که به تاجیکستان سفر نماید و آقای غنی این دعوت را پذیرفت و از امام علی رحمان به خاطر سفر به افغانستان نیز دعوت به عمل آورد.

هر دو جانب توافق کردند تحت ریاست حنیف اتمر سرپرست وزارت امور خارجه، هیئت بین الوزارتی در روزهای نزدیک به تاجیکستان سفر نماید و روی آجندای نشست رؤسای جمهور تاجیکستان و افغانستان به خاطر همکاری های بیشتر، کار کند.

در این تماس تلفنی، توافق شد هیات افغانستان با هیات تاجیکستان در مورد مسایل سیاسی میان دو کشور، همکاری های اقتصادی و امنیتی به ویژه مبارزه علیه تروریزم و مواد مخدر، نیز بحث و تبادل نظر نمایند.

دیدگاهتان را بنویسید

نشانی ایمیل شما منتشر نخواهد شد.