سیاستِتیتر یک

طالبان تاجیکستان را تهدید کرد: هزاران جنگجوی طالبان به تخار اعزام شدند

ملا عبدالغنی برادر معاون ملا محمد حسن آخوند در حکومت طالبان در صحبت با الجزیره تاجیکستان را متهم به دخالت در امور داخلی افغانستان کرد.

آقای برادر در این خصوص گفت “هر عملی، عکس العملی را در پی خود دارد.”

وی همچنین افزود که هزاران تن از جنگجویان طالبان به ولایت تخار در نزدیکی مرز تاجیکستان اعزام شده اند.

طالبان و تاجیکستان هیچ گاه در طول تاریخ روابطی حسنه با یکدیگر نداشته اند. در دوران حاکمیت قبلی طالبان بر افغانستان، تاجیکستان از جبهه ائتلاف شمال به رهبری احمد شاه مسعود حمایت می کرد.

پیش تر نیز گزارش هایی مطرح گردید که گویا برخی از سران جبهه مقاومت در ولایت پنجشیر با کمک تاجیکستان به آن کشور رفته اند.

طالبان ۲۴ اسد سال جاری کابل را بدون هیچ درگیری به تصرف خود در آورد و اعضای این گروه وارد کاخ ریاست جمهوری که اشرف غنی آن را ترک کرده بود شدند. تنها ولایتی که طالبان نتوانست بصورت کامل به تصرف خود در بیاورد ولایت پنجشیر بود.

بیشتر بخوانید:

پیشینه کشاکش تاجیکستان با طالبان

نوشته های مشابه

دیدگاهتان را بنویسید

نشانی ایمیل شما منتشر نخواهد شد.

دکمه بازگشت به بالا