• انتشار: ۸ میزان ۱۴۰۰
  • ساعت: ۲۰:۵۷
  • سرویس: سیاست
  • کدخبر: 64436
پرینت

روسیه خواستار کاهش تنش ها میان مقامات طالبان و تاجیکستان شد

با بالا گرفتن برخی تنش های لفظی میان مقام های طالبان و تاجیکستان، روسیه از تاجیکستان و مقام های طالبان در افغانستان خواست تا اختلافات شان را از راه منطقی حل کنند.

امام علی رحمان رئیس جمهور تاجیکستان در سخنرانی اش در هفتادوششمین مجمع عمومی سازمان ملل از به رسمیت شناختن طالبان خودداری کرد و حملات طالبان به دره پنجشیر را خلاف موازین حقوق بشری اعلام کرد.

همچنین گزارش های فراوانی وجود دارد که بسیاری از رهبران جبهه مقاومت علیه طالبان در پنجشیر به تاجیکستان رفته اند و تاجیکستان به آنها پناه داده است.

همچنین این کشور دیروز و امروز رزمایشی نظامی در امتداد خط مرزی خود با افغانستان برگزار کرد.

از سویی طالبان تاجیکستان را به مداخله در امور داخلی افغانستان متهم کرد و هشدار داد که هر عملی از خود عکس العملی را در پی دارد.

ملا عبدالغنی برادر معاون رئیس دولت موقت طالبان نسبت به آنچه او دخالت های تاجیکستان در امور داخلی افغانستان خواند هشدار داد و گفت دست کم یک هزار جنگجوی طالبان به ولایت تخار در مرز با تاجیکستان اعزام شده اند.

تاجیکستان هیچ گاه در طول تاریخ رابطه ای حسنه ای با طالبان در افغانستان نداشته اند.

در دوران حاکمیت قبلی طالبان بر افغانستان نیز، تاجیکستان میزبان نیروهای ائتلاف شمال علیه طالبان بود.

الکسی زایتسف سخنگوی وزارت خارجه روسیه به خبرگزاری تاس گفته است “ما افزایش تنش ها میان افغانستان و تاجیکستان را زیر نظر داریم و نگران آن هستیم.

زایستف از مقام ها در افغانستان و تاجیکستان خواست تا اختلاف هایشان را به صورت قابل قبولی برطرف کنند.  

دیدگاهتان را بنویسید

نشانی ایمیل شما منتشر نخواهد شد.