• انتشار: 5 اکتبر 2020
  • ساعت: 16:55
  • سرویس: سیاست
  • کدخبر: 49381
پرینت

تاجیکستان از موقف افغانستان در روند صلح حمایت می کند

امام علی رحمان رییس جمهور تاجیکستان در دیدار با زلمی خلیلزاد نماینده ویژه امریکا در امور صلح افغانستان گفت کشورش از موضع حکومت افغانسان برای برقراری صلح و ثبات در این کشور حمایت می‌کند.

زلمی خلیلزاد نماینده ویژه امریکا در امور صلح افغانستان امروز دوشنبه(۱۴ میزان) که در یک سفر کاری به تاجیکستان رفته بود با امام علی رحمان رییس جمهور تاجیکستان در مورد روند صلح افغانستان و همکاری‌ها بین ایالات متحده و تاجیکستان بحث و تبادل نظر کردند.
در این دیدار، رییس جمهور تاجیکستان با استقبال از روند مذاکرات میان‌افغانی گفت کشورش از موضع حکومت افغانستان برای برقراری صلح و ثبات در این کشور حمایت می‌کند.
دو طرف همچنان در مورد همکاری‌های توسعه‌‌ای بین تاجیکستان و امریکا در روشنایی گفت‌وگوهای صلح افغانستان و وضعیت فعلی امنیتی در منطقه گفت و گو کردند.
مبارزه علیه تروریزم، افراط‌گرایی، قاچاق مواد مخدر و چالش‌ها و تهدیدات جدید از جمله موضوعات مورد بحث آقای خلیلزاد با رییس جمهور تاجیکستان خوانده شده است.

دیدگاهتان را بنویسید

نشانی ایمیل شما منتشر نخواهد شد.