• انتشار: 11 فوریه 2021
  • ساعت: 20:36
  • سرویس: سیاست
  • کدخبر: 54289
پرینت
در گفت و گوی غنی با رئیس جمهور تاجیکستان عنوان شد

تاجیکستان از روند صلح افغانستان حمایت می کد

رییس‌جمهور تاجیکستان ضمن اعلام حمایت کشورش از روند صلح افغانستان از رییس‌جمهور غنی دعوت کرد به مناسبت بیستمین سال تأسیس سازمان همکاری‌های شانگهای به تاجیکستان سفر کند.

محمد اشرف غنی، رییس‌جمهور کشور با امام علی رحمان، رییس‌جمهور تاجیکستان از طریق تلفن صحبت کرده است.

این صحبت تلفنی پیش از چاشت امروز (پنج‌شنبه، ۲۳ دلو) صورت گرفت.

روند صلح افغانستان، اتصال منطقه‌یی و بهبود روابط میان دو کشور محور این گفت‌وگو بود.

در خبرنامۀ ارگ آمده است رییس‌جمهور تاجیکستان ضمن اعلام حمایت کشورش از روند صلح افغانستان از رییس‌جمهور غنی دعوت کرد به مناسبت بیستمین سال تأسیس سازمان همکاری‌های شانگهای به تاجیکستان سفر کند. از بیستمین سالگرد این سازمان قرار است در ماه حمل سال روان خورشیدی در شهر دوشنبه تجلیل شود.

تاجیکستان همسایۀ شمالی افغانستان است. این کشور در چوکات برنامۀ اتصال منطقه‌یی قرار است در آینده روابط گستردۀ اقتصادی با افغانستان داشته باشد. شماری از کارشناسان اقتصادی، تطبیق برنامۀ اتصال منطقه‌یی که از طریق توسعۀ زیربنای ترانزیت امکان‌پذیر است را مهم‌ترین تضمین ثبات در افغانستان عنوان می‌کنند.

دیدگاهتان را بنویسید

نشانی ایمیل شما منتشر نخواهد شد.