• انتشار: ۱۰ حوت ۱۳۹۵
  • ساعت: ۱۲:۱۳
  • سرویس: بین الملل
  • کدخبر: 19334
پرینت

روسیه از پایگاه نظامی اش در تاجیکستان برای حفاظت مناطق مرزی با افغانستان استفاده می کند

رئیس جمهوری روسیه گفته است که با تاجیکستان به طور مشترک برای حفاظت از مناطق مرزی تاجیکستان با افغانستان کار می کند و ممکن است در این راستا از پایگاه نظامی اش در تاجیکستان نیز استفاده کند.

ایگور شوالوف معاون نخست وزیر روسیه به خبرنگاران گفت که ولادیمیر پوتین رئیس جمهوری این کشور که روز گذشته (دوشنبه) با همتای تاجیک خود در دوشنبه ملاقات کرد، به ادارات مربوطه کشورش دستور داده تا برای تقویت مناطق مرزی تاجیکستان-افغانستان با تاجیکستان همکاری کنند.

شوالوف گفت “امامعلی رحمان رئیس جمهور تاجیکستان در خصوص لزوم تقویت مرز افغانستان و پاکستان توضیحات ارائه کرد، و رئیس جمهور ما نیز به ادارات مربوطه دستور لازم را برای این کار صادر کرد.”

ولادیمیر پوتین رئیس جمهوری روسیه خود نیز روز گذشته گفت که مسکو و دوشنبه بر سر تقویت حفاظت مناطق مرزی تاجیکستان و افغانستان با یکدیگر توافق کرده اند که برای این کار از پایگاه ۲۰۱ نظامی روسیه در تاجیکستان استفاده می کند.

لازم به ذکر است که تاجیکستان تنها کشورهای آسیای مرکزی است که روسیه در آن پایگاه نظامی دارد.

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *