• انتشار: ۸ اسد ۱۳۹۵
  • ساعت: ۱۵:۵۳
  • سرویس: اقتصاد
  • کدخبر: 11589
پرینت

افغانستان و تاجیکستان وعده گسترش همکاری تجاری دادند

مقامات اتاق های تجارت افغانستان و تاجیکستان در شهر دوشنبه پایتخت تاجیکستان در دیداری با یکدیگر وعده گسترش همکاری های تجاری میان دو کشور را دادند.

شریف سعید رئیس اتاق تجارت تاجیکستان با خان جان الکوزی معاون اتاق تجارت افغانستان و برخی دیگر از مقام های تجاری افغانستان در دوشنبه پایتخت این کشور دیدار کردند.

طرفین در این دیدار بر مسایل همکاری های تجاری میان دو کشور به بحث و گفتگو پرداختند.

شریف سعید گفت گسترش معادلات تجاری و همکاری های اقتصادی با افغانستان از مهم ترین فعالیت های اتاق تجارت تاجیکستان می باشد.

به گفته وی، سطح معادلات تجاری میان دو کشور هنوز از فرصت های موجود در این عرصه به طور کافی استفاده نکرده است.

حجم معاملات دو کشور در سال گذشته میلادی به ۱۰۴.۴ میلیون دالر رسید.

طرفین در این دیدار بر گسترش روابط اقتصادی تجاری افغانستان-تاجیکستان تاکید کردند.

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *